|
|||||||
|
|
|
|||||
|
|
|||||||
|
|||||||
|
|
|
|||||
|
|
|||||||
GYaanaanandamayaM devaM nirmalasphaTikaakR^itim.h .
aadhaaraM sarvavidyaanaaM hayagriivamupaasmahe .. 1 ..
svatassiddhaM shuddhasphaTika maNibhuubhR^itpratibhaTaM
sudhaasadhriichiibhirdhutibhiravadaatatribhuvanam.h .
anantaistrayyantairanuvihita heShaahalahalaM
hataasheShaavadyaM hayavadanamiiDiimahi mahaH .. 2 ..
samaahaarassaamnaaM pratipadamR^ichaaM dhaama yajuShaaM
layaH pratyuuhaanaaM laharivitatirvedhajaladheH .
kathaadarpakShubhyatkathakakulakolaahalabhavaM
haratvantardhvaantaM hayavadana heShaa halahalaH .. 3 ..
praachii sandhyaa kaachidantarnishaayaaH
praGYaadR^iShTeraJNjanashriirapuurvaa .
vaktrii vedaan.h bhaatu me vaajivaktraa
vaagiishaakhyaa vaasudevasya muurtiH .. 4 ..
vishuddha viGYaanaghana svaruupaM
viGYaana vishraaNana baddhadiikSham.h .
dayaanidhiM dehabhR^itaaM sharaNyaM
devaM hayagriivamahaM prapadye .. 5 ..
apauruSheyairapi vaakprapaJNchaiH
adyaapi te bhuutimadR^iShTapaaraam.h .
stuvannahaM mugdha iti tvayaiva
kaaruNyato naatha kaTaakShaNiiyaH .. 6 ..
daakShiNyaramyaa girishasya muurtiH
devii sarojaasanadharmapatnii .
vyaasaadayo.api vyapadeshyavaachaH
sphuranti sarve tava shaktileshaiH .. 7 ..
mando.abhaviShyanniyataM viriJNcho
vaachaaM nidhe vaJNchita bhaagadheyaH .
daityaapaniitaan.h dayayaiva bhuuyo.api
adhyaapayiShyo nigamaan.h na chet.h tvaam.h .. 8 ..
vitarkaDolaaM vyavadhuuya satve
bR^ihaspatiM vartayase yatastvam.h .
tenaiva deva tridasheshvaraaNaam.h
aspR^iShTa Dolaayitamaadhiraajyam.h .. 9 ..
agnou samiddhaarchiShi saptatantoH
aatasthivaan.h mantramayaM shariiram.h .
akhaNDa saarairhaviShaaM pradaanaiH
aapyaayanaM vyomasadaaM vidhatse .. 10 ..
yanmuulamiidR^ik.h pratibhaati tatvaM
yaa muulamaamnaaya mahaadrumaaNaam.h .
tatvena jaananti vishuddha satvaaH
tvaamakSharaamakSharamaatR^ikaaM te .. 11 ..
avyaakR^itaad.h vyaakR^ita vaanasi tvaM
naamaani ruupaaNi cha yaani puurvam.h .
shaMsanti teShaaM charamaaM pratiShTaaM
vaagiishvara tvaaM tvadupaGYavaachaH .. 12 ..
mugdhendu niShyanda vilobhaniiyaaM
muurtiM tavaananda sudhaa prasuutim.h .
vipashchitashchetasi bhaavayante
velaamudaaraamiva dugdhasindhoH .. 13 ..
manogataM pashyati yaH sadaa tvaaM
maniiShiNaaM maanasa raajahaMsam.h .
svayaM purobhaava vivaadabhaajaH
kiMkurvate tasya giro yathaarham.h .. 14 ..
api kShaNaardhaM kalayanti ye tvaaM
aaplaavayantaM vishadairmayuukhaiH .
vaachaaM pravaahairanivaaritaiste
mandaakiniiM mandayituM kShamante .. 15 ..
svaamin.h bhavaddhyaana sudhaabhiShekaat.h
vahanti dhanyaaH pulakaanubandham.h .
alakShite kvaapi niruuDhamuulaM
aN^geShvivaanandathum.h aN^kurantam.h .. 16 ..
svaamin.h pratiichaa hR^idayena dhanyaaH
tvaddhyana chandrodaya vardhamaanam.h .
amaantamaananda payodhimantaH
payobhirakShNaaM parivaahayanti .. 17 ..
svairaanubhaavaastvadadhiina bhaavaaH
samR^iddhaviiryaastvadanugraheNa .
vipashchito naatha taranti maayaaM
vaihaarikiiM mohana piJNchhikaaM te .. 18 ..
praaN^ nirmitaanaaM tapasaaM vipaakaaH
pratyagranishshreyasa saMpado me .
samedhiShiiraMstava paadapadme
saMkalpa chintaamaNayaH praNaamaaH .. 19 ..
vilupta muurdhanya lipikramaaNaaM
surendra chuuDaapada laalitaanaam.h .
tvadaMghriraajiiva rajaH kaNaanaaM
bhuuyaan.h prasaado mayi naatha bhuuyaat.h .. 20 ..
parisphurannuupurachitrabhaanu -
prakaasha nirdhuuta tamonuShaN^gaam.h .
padadvayiiM te parichinmahe.antaH
prabodha raajiiva vibhaatasandhyaam.h .. 21 ..
tvatkiN^karaalaMkaraNochitaanaaM
tvayaiva kalpaantara paalitaanaam.h .
maJNjupraNaadaM maNinuupuraM te
maJNjuuShikaaM vedagiraaM pratiimaH .. 22 ..
sa.nchintayaami pratibhaadashaasthaan.h
sa.ndhukShayantaM samayapradiipaan.h .
viGYaana kalpadruma pallavaabhaM
vyaakhyaana mudraa madhuraM karaM te .. 23 ..
chitte karomi sphuritaakShamaalaM
savyetaraM naatha karaM tvadiiyam.h .
GYaanaamR^itodaJNchana lampaTaanaaM
liilaaghaTiiyantramivaashritaanaam.h .. 24 ..
prabodha sindhoraruNaiH prakaashaiH
pravaala saN^ghaatamivodvahantam.h .
vibhaavaye deva sapustakaM te
vaamaM karaM dakShiNamaashritaanaam.h .. 25 ..
tamaaMsi bhitvaa vishadairmayuukhaiH
saMpriiNayantaM viduShashchakoraan.h .
nishaamaye tvaaM navapuNDariike
sharadghane chandramiva sphurantam.h .. 26 ..
dishantu me deva sadaa tvadiiyaaH
dayaataraN^gaanucharaaH kaTaakShaaH .
shrotreShu puMsaamamR^itaM kSharantiiM
sarasvatiiM saMshrita kaamadhenum.h .. 27 ..
visheShavitvaariShadeShu naatha
vidagdha goShThiisamaraaN^gaNeShu .
jigiiShato me kavitaarkikendraan.h
jihvaagra siMhaasanamabhyupeyaaH .. 28 ..
tvaaM chintaya.nstvanmayataaM prapannaH
tvaamudgR^iNan.h shabdamayena dhaamnaa .
svaamin.h samaajeShu samedhiShiiya
svachchhanda vaadaahava baddhashuuraH .. 29 ..
naanaavidhaanaamagatiH kalaanaaM
na chaapi tiirtheShu kR^itaavataaraH .
dhruvaM tavaanaathaparigrahaayaaH
navaM navaM paatramahaM dayaayaaH .. 30 ..
akampaniiyaanyapaniiti bhedaiH
ala.nkR^iShiiran.h hR^idayaM madiiyam.h .
shaN^kaakalaN^kaa pagamojjvalaani
tatvaani samyaJNchi tava prasaadaat.h .. 31 ..
vyaakhyaa mudraaM karasarasijaiH pustakaM shaN^kachakre
bibhradbhinnasphaTikaruchire puNDariike niShaNNaH .
amlaanashriiramR^itavishadairaMshubhiH plaavayan.h maaM
aavirbhuuyaadanagha mahimaa maanase vaagadhiishaH .. 32 ..
vaagartha siddhihetoH
paThata hayagriivasaMstutiM bhaktyaa .
kavitaarkika kesariNaa
veN^kaTanaathena virachitaametaam.h .. 33 ..
kavitaarkikasiMhaaya
kalyaaNaguNashaaline .
shriimate veN^kaTeshaaya
vedaantagurave namaH ..
|
|
|
|
Please send comments & suggestions
to R.Venkat