Cheap Web Hosting | Free Web Hosting | Credit Card Offers | Web Hosting | Free Web Space | Web Hosting | Advertise
Search the Web

shriimaan.h veN^kaTa naathaaryaH kavitaarkika kesarii |
vedaantaa chaarya varyome sannidhattaaM sadaahR^idi ||

kamapyaadhyaM guruM vande kamalaa gR^ihamedhinam.h.
pravaktaa chhandasaaM vaktaa pa~ncha raatrasya yaH svayam.h..1

saha dharmachariiM shaureH saMmantrita jagadhditaam.h.
anugrahamayiiM vande nityamaj~naata nigrahaam.h..2

vande vaikuNTha senaanyaM devaM suutravatii sakham.h.
yadvetra shikhara spande vishvametad.h vyavasthitam.h..3

yasya saarasvata sroto vakulaamoda vaasitam.h.
shrutiinaaM vishramaayaalaM shaThaariiM tamupaasmahe..4

naathena muninaa tena bhaveyaM naathavaahanam.h.
yasya naigamikaM tatvaM hastaamalakataaM gatam.h..5

namasyaamyaravindaaxaM naatha bhaave vyavasthitam.h.
shudhda satva mayaM shaureravataaramivaaparam.h..6

anujjhita xamaa yogamapuNyajana baadhakam.h.
aspR^iShTa madiraa gandhaM raamaM turyamupaasmahe..7

vigaahe yaamunaM tiirthaM saadhu bR^indaavane sthitam.h.
nirasta jihmaga sparshe yatra kR^iShNaH kR^itaadaraH..8

dayaa nighnaM yatiindrasya deshikaM puurNamaashraye.
yena vishva sR^ijo viShNorapuuryata manorathaH..9

praNaamaM laxmaNamuniH pratigR^ihNaatu maamakam.h.
prasaadhayati yatsuuktiH svaadhiina patikaaM shrutim.h..10

upaviitinamuurdhva puNDravantaM
trijagatpuNya phalaM tridaNDa hastam.h.
sharaNaagata saartha vaahamiiDe
shikhayaa shekhariNaM patiM yatiinaam.h..11

prathayan.h vimateShu tiixNa bhaavaM
prabhurasmatpariraxaNe yatiindraH.
apR^ithakpratipanna yanmayatvaiH
vavR^idhe pa~nchabhiraayudhairmuraareH..12

shamitodaya sha~Nkaraadi garvaH
svabalaadudhdR^ita yaadavaprakaashaH.
avaropitavaan.h shruterapaarthaan.h
nanu raamaavarajaH sa eSha bhuuyaH..13

abahushruta saMbhavaM shrutiinaaM
jaratiinaamayathaayatha prachaaram.h.
vinivartayituM yatiishvaroktiH
vidadhe taaH sthiraniiti pa~njara sthaaH..14

amunaa tapanaatishaayi bhuumnaa
yatiraajena nibadhda naayaka shriiH.
mahatii guru pa~Nkti haara yaShTiH
vibudhaanaaM hR^idaya~Ngamaa vibhaati..15

aluuna paxasya yati xamaabhR^ito
vibhaati vaMshe haritatvamaxatam.h.
yadudbhavaaH shudhda suvR^itta shiitalaaH
bhavanti muktaavali bhuuShaNaM bhuvaH..16

anapaaya viShNupada saMshrayaM bhaje
kalayaa kayaa.api kalayaa.apyanujjhitam.h.
akala~Nka yogamajaDaashayodayaM
yatiraaja chandra muparaaga duuragam.h..17

abhigamya samyaganaghaaH sumedhaso
yati chakravarti pada padma pattanam.h.
hari bhakta daasya rasikaaH parasparaM
kraya vikrayaarha dashayaa samindhate..18

paruShaativaada parivaada paishuna-
prabhR^iti prabhuuta pataniiya pa~Nkilaa.
svadate mamaadhya subhagaa sarasvatii
yatiraaja kiirtti katakairvishodhitaa..19

anukalpa bhuuta murabhitpadaM sataaM
ajahattrivargamapavarga vaibhavam.h.
chala chitta vR^itti vinivarttanauShadhaM
sharaNaM yatiindra charaNaM vR^iNii mahe..20

shvasitaava dhuuta paravaati vaibhavaaH
nigamaanta niiti jaladhestala spR^ishaH.
pratipaadayanti gatimaapavargikiiM
yati saarvabhauma padasaatkR^itaashayaaH..21

muule nivishya mahataaM nigama drumaaNaaM
muShNan.h prataaraka bhayaM dhR^ita naikadaNDaH.
ra~Ngesha bhaktajana maanasa raajahaMso
raamaanujaH sharaNamastu muniH svayaM naH..22

sanmantravit.h xipati saMyaminaaM narendraH
saMsaara jihmaga mukhaiH samupasthitaM naH.
viShvak.h tataM viShaya lobha viShaM nijaabhiH
gaaDhaanubhaava garuDadhvaja bhaavanaabhiH..23

naathaH sa eSha yaminaaM nakha rashmi jaalaiH
antarniliinamapaniiya tamo madiiyam.h.
vij~naana chitramanaghaM likhatiiva chitte
vyaakhyaana keli rasikena karaambujena..24

udgR^ihNatiimupaniShatsu niguuDhamarthaM
chitte niveshayitumalpa dhiyaaM svayaM naH.
pashyema laxmaNa muneH pratipanna hastaam.h
unnidra padma subhagaamupadesha mudraam.h..25

aakarShaNaahi nigamaanta sarasvatiinaaM
uchchaaTanaani bahirantarupaplavaanaaM.
pathyaani ghora bhava saMjvara piiDitaanaaM
hR^idhyaani bhaanti yatiraaja munervachaaMsi..26

shiita svabhaava subhagaanubhavaH shikhaavaan.h
doShaavamarda niyatonnati roShadhiishaH.
taapaanubandha shamanastapanaH prajaanaaM
raamaanujo jayati saMvalita tridhaamaa..27

jayati sakala vidhyaa vaahinii janma shailo
jani patha parivR^itti shraanta vishraanti shaakhii.
nikhila kumati maayaa sharvarii baala suuryo
nigama jaladhi velaa puurNa chandro yatiindraH..28

muni bahumata saaraa mukti nishreNikeyaM
sahR^idaya hR^idayaanaaM shaashvatii diShTa sidhdiH.
shamita durita gandhaa saMyamiindrasya suuktiH
parichita gahanaa naH prasnuviita prasaadam.h..29

bhava maru parikhinna sphiita paaniiya sindhuH
durita rahita jihvaa dugdha kulyaa sakulyaa.
shruta nayana sanaabhiH shobhate laxmaNoktiH
naraka mathana sevaasvaada naaDiMdhamaa naH..30

haripada makaranda syandinaH saMshritaanaaM
anugata bahushaakhaastaapamun.h muulayanti.
shamita durita gandhaaH saMyamiindra prabandhaaH
kathaka jana maniiShaa kalpanaa kalpavR^ixaaH..31

naanaabhuutairjagati samayairnarma liilaaM vidhitsoH
antyaM varNaM prathayati vibhoraadima vyuuha bhede.
vishvaM traatuM viShaya niyataM vya~njitaanugrahaH san.h
viShvakseno yatipatirabhuud.h vetrasaarastridaNDaH..32

laxyaM budhde rasika rasanaa laasya liilaa nidaanaM
shudhdaasvaadaM kimapi jagati shrotra divyauShadhaM naH.
laxyaalaxayaiH sita jaladhivadbhaati taatparya ratnaiH
laxmiikaanta sphaTika mukuro laxmaNaaryopadeshaH..33

sthitimavadhiirayantyati manoratha sidhdimatiiM
yatipati saMpradaaya nirapaaya dhanopachitaaH.
madhukara mauli daghna mada dantura danti ghaTaa-
karaTa kaTaaha vaahi ghana shiikara shiibharitaam.h..34

nirupadhi ra~NgavR^itti rasikaanabhitaaNDavayan.h
nigama vimarsha keli rasikairnibhR^itairvidhR^itaH
guNa pariNadhda suukti dR^iDha koNa vighaTTanayaa
raTati dishaa mukheShu yatiraaja yashaH paTahaH..35

idaM prathama saMbhavatkumati jaala kuula~NgaShaaH
mR^iShaa mata viShaanala jvalita jiiva jiivaatavaH.
xarantyamR^itamaxaraM yati purandarasyoktayaH
chirantana sarasvati chikura bandha sairandhrikaaH..36

sudhaashana sudurgraha shruti samaShTi muShTindhyaH
kathaahavamasau gataan.h kapaTa saugataan.h khaNDayan.h
munirmanasi laxmaNo mudamuda~nchayatya~njasaa
mukunda guNa mauktika prakara shuktibhiH suuktibhiH..37

kapardi mata kardamaM kapila kalpanaa vaaguraaM
duratyayamatiitya tad.h druhiNa tantra yantrodaram.h.
kudR^iShTi kuhanaa muke nipatataH parabR^ihmaNaH
kara graha vichaxaNo jayati laxmaNo.ayaM muniH..38

kaNaada paripaaTibhiH kapila kalpanaa naaTakaiH
kumaarila kubhaaShitairguru nibandhana granthibhiH.
tathaagata kathaashataistadanusaari jalpairapi
prataaritamidaM jagat.h praguNitaM yatiindroktibhiH..39

kathaa kalaha kautuka gR^iha gruhiita kautaskuta-
prathaa jaladhi samplava gR^isana kumbha sambhuutayaH.
jayanti sudhiyo yati xitibhR^idantikopaasanaa-
prabhaava paripaktrima pramiti bhaaratii saMpadaH..40

yatiishvara sarasvatii surabhitaashayaanaaM sataaM
vahaami charaNaambujaM praNati shaalinaa maulinaa.
tadanya mata durmada jvalita chetasaaM vaadinaaM
shirassu nihitaM mayaa padama daxiNaM laxyataam.h..41

bhajasva yatibhuupateranidamaadi durvaasanaa-
kadadhva parivartana shrama nivartaniiM vartaniim.h.
labhasya hR^idaya svayaM tatha padaayudhaanugraha-
druta prahR^iti nistR^iTaddurita durvR^itiM nirvR^itim.h..42

kumati vihita grantha granthi prabhuuta mataantara-
grahila manasaH pashyantvalpaaM yatiishvara bhaaratiim.h.
vikaTa murabhidvaxaH piiThii pariShkaraNochitaH
kula giri tulaarohe bhaavii kiyaaniva kaustubhaH..43

sthavira nigama stoma stheyaaM yatiishvara bhaaratiiM
kumati phaNiti xobha xiibaaH xipantu bhajantu vaa.
rasa parimala shlaaghaa ghoSha sphuTatpuTa bhedanaM
lavaNa vaNijaH karpuuraarghaM kimityabhimanvate..44

vahati mahilaamaadhyo vedhaastrayii mukharairmukhaiH
vara tanutayaa vaamo bhaagaH shivasya vivartate.
tadapi paramaM tatvaM gopii janasya vashaMvadaM
madana kadanairna klishyante yatiishvara saMshrayaaH..45

nigama pathikachchhaayaa shaakhii niraasha mahaanidhiH
mahita vividhachchhaatra shreNii manoratha saarathiH.
tribhuvana tamaH pratyuuSho.ayaM trividya shikhaamaNiH
prathayati yati xmaabhR^itpaaraavariimaviparyayaam.h..46

jaDa mati mudhaa dantaa danti vyathauShadha sidhdayaH
pramiti nidhayaH praj~naa shaali prapaalana yaShTayaH.
shruti surabhayaH shudhdaanandaabhivarShuka vaaridaaH
yama gati kathaa vichchhedinyo yatiishvara suuktayaH..47

pratikalamiha pratyaktatvaavalokana diipikaaH
yati paribR^iDha granthaashchintaaM nirantarayanti naH.
akaluSha paraj~naanautsukya xudhaatura durdashaa-
pariNata phala pratyaasiidatphalegrahi sugrahaaH..48

mukundaa~Nhgri shradhdaa kumuda vana chandraatapa nibhaaH
mumuxaaM axobhyaaM dadati muni bR^indaarakagiraH.
sva sidhdaanta dhvaanta sthira kutuka durvaadi pariShad.h
divaabhiita prexaa dinakara samutthaana paruShaaH..49

niraabaadhaa bodhaayana bhaNita niShyanda subhagaaH
vishudhdopanyaasa vyatibhidura shaariiraka nayaaH.
akuNThaiH kalpante yatipati nibandhaa nija mukhaiH
anidraaNa praj~naa rasa dhamani vedhaaya sudhiyaam.h..50

vikalpaaTopena shrutipathamasheShaM vighaTayan.h
yadR^ichchhaanirdiShTe yati nR^ipati shabde viramati.
vitaNDaahaM kurvatpratikathaka vetaNDa pR^itanaa-
viyaata vyaapaara vyatimathana saMrambha kalahaH..51

pratiShThaa tarkaaNaaM pratipadamR^ichaaM dhaama yajuShaaM
pariShkaaraH saamnaaM paripaNamatharvaa~NgirasayoH.
pradiipastatvaanaaM pratikR^itirasau taapasa giraaM
prasattim.h saMvitteH pradishati yatiishaana phaNitiH..52

hataavadhye hR^idhye hari charaNa pa~Nkeruha yuge
nibadhnantyaikaantyaM kimapi yati bhuubhR^itphaNitayaH.
shunaasiira skandha druhiNa hara heramba hutabhuk.h-
prabheshaadi xudra praNati parihaara pratibhuvaH..53

yathaabhuuta svaarthaa yati nR^ipati suuktirvijayate
sudhaa saMdohaabdhiH sucharita vipaktiH shrutimataam.h.
kathaa dR^ipyatkautaskuta kalaha kolaahala hata-
trivedii nirveda prashamana vinoda praNayiinii..54

shruti shreNii chuuDaapada bahumate laxmaNa mate
sva paxasthaan.h doShaan.h vitatha matiraaropayati yaH.
sva hastonotxiptaiH sa khalu nija gaatreShu bahulaM
galadbhirjambaalairgagana talamaalimpati jaDaH..55

niraaloke loke nirupadhi pa sneha bharito
yati xamaabhR^idhdiipo yadi na kila jaajvalyata iha.
ahaMkaara dhvaantaM vijahati kathaMkaaramanaghaaH
kutarka vyaalaughaM kumati mata paataala kuharam.h..56

yati xamaabhR^iddhR^iShTaM matamiha naviinaM tadapi kiM
tataH praagevaanyadvada tadapi kiM varNa nikaShe.
nishaamyantaaM yadvaa nijamati tiraskaara vigamaat.h
niraata~NkaaShTa~Nka dramiDa guhadeva prabhR^itayaH..57

sudhaasaaraM shriimadhyativara bhuvaH shrota kuhare
niShi~nchanti nya~nchannigama garimaaNaH phaNitayaH.
yadaasvaadaabhyaasa prachaya mahimollaasita dhiyaaM
sadaasvaadhyaM kaale tadamR^itaM anantaM sumanasaam.h..58

yati xoNiibharturyadi damanidaM bhoga janataa-
shiraH shreNiijuShTaM tadiha dR^iDhabandhaM prabhavati.
avidhyaaraNyaanii kuhara viharanmaamaka manaH-
pramaadyanmaata~Nga prathama nigalaM paada yugalam.h..59

savitrii muktaanaaM sakala jagadenaH prashamanii
gariiyobhistiirtthairupachita rasaa yaamuna mukhaiH.
niruchchhedaa nimnetaramapi samaaplaavayati maaM
yadR^ichchhaa vixepaad.h yatipati dayaa divya taTinii..60

chintaasheSha durartha dantura vachaH kanthaa shata granthilaaH
sidhdaantaa na samindhate yativara granthaanu saMdhaayini.
muktaa shukti vishudhda sidhda taTinii chuuDaala chuuDaapadaH
kiMkulyaaM kalayeta khaNDa parashurmaNDuuka ma~njuuShikaam.h..61

vande taM yaminaaM dhurandharamahaM maanaandhakaara druhaa
panthaanaM paripanthinaaM nija dR^ishaa rundhaanamindhaanayaa.
dattaM yena dayaa sudhaambunidhinaa piitvaa vishudhdaM payaH
kaale naH karishaila kR^iShNa jaladaH kaa~NxaadhikaM varShati..62

kaaShaayeNa gR^ihiiNita piita vasanaa daNDaistrabhirmaNDitaa
saa muurtirmuramardanasya jayati trayyanta saMraxiNii.
yatprakhyaapita tiirtha vardhita dhiyaamabhyasyataaM yadguNaan.h
aa sindhoranidaM pradesha niyataa kiirtiH prajaagarti naH..63

lipse laxmaNa yoginaH padyugaM rathyaa paraagachchhaTaa
raxaaropaNa dhanya suuri pariShatsiimanta siimaantikam.h
bhixaa paryaTana xaNeShu bibharaaMchakre galatkilbiShaa
yadvinyaasa miSheNa patra makarii mudraaM samudraambaraa..64

naanaa tantra vilobhitena manasaa nirNiita durniitibhiH
kaShTaM kutsita dR^iShTabhiryatipateraadesha vaideshikaiH.
vyaaso haasapadii kR^itaH parihR^itaH pracheta sashchetasaH
kluptaH keli shukaH shukaH sa cha mudhaa baadhaaya bodhaayanaH..65

arthyaa tiShThati maamikaa matirasaavaajanma raajanvatii
patyaa saMyaminaamanena jagataamatyaahita chchhedinaa.
yatsaarasvata dugdha saagara sudhaa sidhdauShadhaasvaadinaaM
prasvaapaaya na bobhaviiti bhagadanmaayaa mahaayaaminii..66

shudhdaadesha vashaMdadiikR^ita yati xoNiisha vaaNiishataa-
pratyaadiShTa bahirgatiH shruti shiraH prasaadamaasiidati.
dugdhodanvadapatya sannidhi sadaa saamoda daamodara-
shlaxNaalokena daurlalitya lalitonmeShaa maniiShaa mama..67

aastaaM naama yatiindra padhdati juShaamaajaana shudhdaa matiH
tachchaavyaaja vidagdha mugdha madhuraM saarasvataM shaashvatam.h.
ko vaa chaxuruda~nchayedapi puraH saaTopa tarkachchhaTaa
shastraa shastri vihaara saMbhR^ita raNaasvaasdeShu vaadeShu naH..68

paryaaptaM paryachaiShaM kaNacharaNa kathaamaaxapaadaM shishixe
miimaaMsaa maaMsalaatmaa samajaniShi muhuH saaMkhya yogau samaakhyam.h.
itthaM taistairyatiindra truTita bahumR^iShaa tantra kaantaara paanthaiH
antarmoha xapaandhairahaha kimiha nashchintaniiyaM taniiyaH..69

gaathaa taathaagotaanaaM gatati gamanikaa kaapilii kvaa.api liinaa
xiiNaa kaaNaada vaaNii dR^ihiNa hara giraH saurabhaM naarabhante.
xaamaa kaumaariloktirjagati gurumataM gauravaat.h duuravaantaM
kaa sha~Nkaa sha~Nkaraaderbhajati yatipatau bhadra vediiM trivediim.h..70

viShvagvyaapinyagaadhe yatinR^ipati yashaH saMpadekaarNave.asmin.h
shradhdaa shudhdaavagaahaiH shubhamati bhirasau ve~NkasTesho.abhiShiktaH
pra~njaadaurjanya garjatpratikathaka vachastuula vaatuula vR^ityaa
saptatyaa saaravatyaa samatanuta sataaM priitimetaaM sametaam.h..71

aashaa mata~Ngaja gaNaanaviShahya vegaan.h
paade yati xitibhR^itaH prasabhaM nirundhan.h.
kaaryaH kathaahava kutuuhalibhiH pareShaaM
karNe sa eSha kavitaarkika siMhanaadaH..72

upashamita kudR^iShTi viplavaanaam.h
upaniShadaamupachaara diipikeyam.h
kahalita bhagavadvibhuuti yugmaaM
diShatu matiM yatiraaja saptatirnaH..73

karatalaamalakii kR^ita satpathaaH
shrutivataMsita suunR^ita suuktayaH.
divasa taarakayanti samatsaraan.h
yati purandara saptati saadaraaH..74
 

kavitaarkika siMhaaya kalyaaNaguNashaaline .
shriimate veN^kaTeshaaya vedaantagurave namaH

 Please send comments & suggestions to R.Venkat